Albani ka filluar punën në Institutin “Riinvest” në vitin 2006, pasi ka punuar një kohë në sistemin bankar. Aktualisht ai mban pozitën e Drejtorit Ekzekutiv në Institutin “Riinvest”. Pas përfundimit të studimeve universitare në Universitetin e Prishtinës, Albani ka vijuar studimet e magjistraturës dhe doktoratës në Universitetin Staffordshire në Britani të Madhe, respektivisht në fushën e korrupsionit dhe transformimit të pronës. Në kuadër të Institutit “Riinvest”, Albani ka qenë i përfshirë në shumë projekte kërkimore të ndërlidhura me çështje socio-ekonomike të vendit, përfshirë, mes tjerash, çështjen e privatizimit, qeverisjes korporative, korrupsionit, energjisë e mjedisit afarist. Gjithashtu, Albani rregullisht publikon në revista shkencore dhe merr pjesë në konferenca ndërkombëtare në lidhje me temat e demokracisë industriale dhe transformimit të pronës. Ai është edhe ligjërues në Kolegjin Riinvest ku mbulon disa lëndë të lidhura me ekonomiksin.

Aktualisht është kryetar i Bordit Drejtues i Institutit “Riinvest”, Sejdi Osmani është njëri prej themeluesve të Institutit. Ka qenë i angazhuar në pozita drejtuese dhe menaxher i shumë projekteve të Institutit: Drejtor ekzekutiv i Institutit “Riinvest” (2004-2009); Drejtor administrativ i Institutit “Riinvest” (2001-2004); menaxher i disa projekteve në fushën e zhvillimit ekonomik lokal; koordinator projektesh, pjesëtar i ekipeve i shumë projekteve hulumtuese. Është autor i rreth 20 artikujve lidhur me politikën fiskale dhe sistemin e taksave, autor i një sërë punimeve në fushën e administratës publike, privatizimit, qeverisjes korporative, administratës lokale dhe shërbimeve publike. Ka një përvojë të gjatë në fushën e publikimeve: Kryeredaktor i revistës javore për të rinj “Zëri i Rinisë” (1978-1982); redaktor i më se 30 botimeve dhe autor dhe bashkautor i afro 30 raporteve hulumtuese të Institutit “Riinvest”. Ka marrë pjesë në një sërë konferencash vendore dhe ndërkombëtare. 

Saxhide Mustafa është zëvendëse e drejtorit ekzekutiv. Saxhidja është pjesë e “Riinvest”-it që nga viti 2003, kur ka filluar punën në pozitën asistente administrative. Ajo ka të përfunduar Fakultetin Juridik - Universiteti i Prishtinës, pastaj studimet MA i ka përfunduar në Kolegjin Riinvest me temën “Qeverisja korporative dhe transparenca në ndërmarrjet publike në nivelin lokal-rast studimor Termokos Sh.A”. Prej vitit 2012 është duke ndjekur studimet e doktoratës në Fakultetin Ekonomik, Universiteti Publik i Tiranës me temën “Qeverisja korporative dhe performanca e kompanive në Kosovë“. Pozitën e zëvendëses së drejtorit ekzekutiv Saxhidja e mban që nga viti 2010. Ajo ka ndjekur disa trajnime si: Gratë në lidership- program i ndjekur në Kosovë dhe në Uashington, i financuar nga USAID-i, qeverisja korporative, menaxhimi i riskut, strategjia e korporatave, bordet, llogaridhënia, transparenca i financuar nga IFC dhe SDC, menaxhimi i inovacioneve - Fakulteti Ekonomik Lubjanë, financuar nga projekti TEMPUS, etj. Saxhidja përveç që merret me çështjet juridike dhe të personelit në Institutin “Riinvest”, ajo është pjesëmarrëse edhe në projektet hulumtuese në fushën e qeverisjes korporative dhe zhvillimit ekonomik lokal. Saxhidja prej vitit 2010 është ligjëruese në Kolegjin Riinvest në lëndët Etika biznesore dhe e Drejta biznesore.

Diellza Gashi mban pozitën e hulumtueses së avancuar në Institutin “Riinvest”. Ajo është bërë pjesë e Institutit në vitin 2011 si asistente hulumtuese. Diellza ka përfunduar studimet bazë në Universitetin Amerikan në Kosovë në vitin 2009. Pas përfundimit të studimeve bazë, Diellza ka vazhduar studimet master në Rochester Institute of Technology në Rochester, New York, për Administrim biznesi me fokus në Biznes ndërkombëtar. Që nga viti 2014, Diellza është kandidat për doktoratë në Fakultetin Ekonomik, Universiteti i Lubjanës, me specializim në menaxhimi dhe organizatat. Prej marsit të vitit 2011, Diellza punon edhe si asistente e mësimdhënies në Kolegjin Riinvest për lëndët e ndërlidhura me menaxhimin dhe organizatat. Përgjatë 4 vjetëve në Institutin “Riinvest”, Diellza ka qenë e përfshirë në projekte të ndryshme të lidhura me fushën e hulumtimit të tregut, ndërtimit të aftësive humane, promovimin e zhvillimit regjional ekonomik, klimën e biznesit, investimet e diasporës dhe remitencat, si dhe zhvillimit të sektorit privat. 

Ilire Mehmeti u bë pjesë e Institutit “Riinvest” në nëntor të vitit 2011 dhe që nga atëherë ka qenë e përfshirë në shumë projekte hulumtuese dhe zhvillimore. Fillimisht, ka qenë e angazhuar në përgatitjen e raporteve si “Nga Rahoveci-brendi regjional”, “Analiza e portfolios së verërave” dhe “Financimi i agrobizneseve” në kuadër të projektit ‘Promovimi i hortikulturës në Kosovë’. Angazhimi ka përfshirë dizajnimin e pyetësorëve, intervistimin e akterëve relevantë, nxjerrjen dhe përshtatjen e të dhënave dhe interpretimin e tyre në një raport final. Megjithatë, Ilirja është inkuadruar edhe në projekte të tjera që kanë trajtuar fushat e zhvillimit të sektorit privat, klimës së biznesit dhe zhvillimit ekonomik në përgjithësi. Gjatë dy vjetëve të fundit përqendrimi i saj ka qenë në fushën e zhvillimit ekonomik rajonal dhe ngritjen e kapaciteteve rajonale, më konkretisht përmes koordinimit dhe organizimit të “Akademisë zhvillimore”. Që nga viti 2012, Ilirja, po ashtu, është e angazhuar si asistente ligjëruese në Kolegjin Riinvest në fushën e Menaxhimit financiar të bizneseve. Ilirja ka përfunduar studimet bachelor për Ekonomi në Universitetin Amerikan në Kosovë (AUK) dhe studimet master në Universitetin e Trier të Gjermanisë.

Gent Beqiri është i angazhuar në Institutin “Riinvest” që nga gushti i vitit 2008 dhe që atëherë është përfshirë në studime dhe analiza ekonomike, studime të tregut, biznes plane dhe studime të fizibilitetit të bizneseve si dhe zhvillimin e NVM-ve dhe zhvillimin ekonomik lokal. Fokusimi i Gentit është në menaxhimin dhe implementimin e anketave të ndryshme, kryesisht në ato të NVM-ve. Ai është i fokusuar në përgatitjen e mostrave për realizimin e anketave, dizajnimin e pyetësorëve, trajnimin e anketuesve, monitorimin e procesit anketues si dhe përpunimin e të dhënave, nxjerrjen e analizave të avancuara statistikore dhe interpretimin e të dhënave. Së fundmi, angazhimi i plotë i tij koncentrohet në krijimin e një platforme të qasshme nga publiku i gjerë, platformë e cila përmban dhe bashkon të gjitha të dhënat statistikore të Institutit “Riinvest” që nga themelimi i tij. Në Kolegjin Riinvest, Genti është i angazhuar si ligjërues në lëndët Menaxhment dhe statistikë që nga viti 2009. Ai ka mbaruar studimet bachelor dhe master në Fakultetin Ekonomik, drejtimi Menaxhment dhe informatikë në Universitetin e Prishtinës.

Visari i është bashkuar Institutit në korrik të vitit 2014 në cilësinë e hulumtuesit të avancuar. Visari ka mbaruar studimet themelore në Universitetin e Prishtinës në fushën e menaxhmentit. Për më tepër, ai ka mbaruar studimet master në Universitetin e Nottingham-it në Mbretërinë e Bashkuar në fushën e zhvillimit ekonomik dhe analizë të politikave ekonomike me fokus të veçantë në Politikat tregtare. Visari, gjithashtu, është i angazhuar edhe në cilësinë e ligjëruesit të lëndëve Sistemi ekonomik ndërkombëtar dhe Ekonomia evropiane në Kolegjin Riinvest. Para se t’i bashkohej Institutit “Riinvest”, Visari ka punuar në institucione të ndryshme qoftë në sektorin privat apo publik në Kosovë përfshirë sektorin bankar, procesin e privatizimit në Kosovë, projekte të UNDP-së, EBRD-së dhe Bankës Botërore, dhe po ashtu në Qeverinë e Kosovës. Gjithashtu, Visari ka qenë i angazhuar në aktivitete të ndryshme hulumtuese dhe avokuese lidhur me qeverisjen e hapur, potencialin eksportues të Kosovës, zhvillimin e tregut në industrinë e përpunimit të ushqimit dhe shumë projekte të tjera lidhur me zhvillimin e sektorit privat.

Endriti është një profesionist me një interes të madh në hulumtimet kuantitative dhe analiza ekonomike. Ai i’u bashkua Institutit Riinvest në nëntor 2015 si hulumtues i avancuar dhe momentalisht është duke punuar në vlerësimin e procesit të dështuar të koncesionimit të kompleksit turistik në Brezovicë. Endriti ka përfunduar trajnim rigoroz akademik i cili e ka pajisur atë me aftësi solide në fushën e kërkimeve ekonomike dhe analizës së të dhënave. Ai mori diplomën Baçelor i Shkencave në Ekonomi dhe Politika Publike nga R.I.T. Kosovë, dhe përfundoi vitin e tretë të studimeve baçelor në Universitetin George Mason në Virgjinia të SHBA-së si bursist i Fondacionit për Shoqëri të Hapur. Studimet master në fushën e Ekonomisë së vendeve në zhvillim i përfundoi  në maj 2015 në Universitetin Vanderbilt në Tenesi të SHBA-së pasi fitoi bursë të plotë studimi nga Fondacioni Kosovarë - Amerikan i Edukimit. Përveç prapavijës së tij akademike, Endriti ka pesë vite përvojë pune në zhvillimin e sektorit privat dhe publik. Ai ka punuar në menaxhimin të projekteve, hulumtim, dhe konsulencë për Bankën Botërore, American Enterprise Institute, dhe organizata lokale si GEARS UP Solutions, Oda Ekonomike Amerikane, Balkan Sunflowers dhe IPKO Foundation. Që nga nëntori 2015, Endriti është gjithashtu ligjërues i Statistikës, Metodave kërkimore, dhe Ekonometrisë, në Kolegjin Riinvest.

Enisa Serhati iu bashkangjitë Institutit Riinvest në Maj 2016. Ajo përfundoi studimet Bachelor në Ekonomiks ne Universitetin Amerikan në Kosovë në 2011 si studente e dalluar. Më pas ajo vazhdoi studimet master në fushën e Ekonomisë Ndërkombëtare në Berlin School of Economics and Law në Gjermani, ku diplomoi me rezultate të shkëlqyera në Prill 2015. Nga shtatori 2015, Enisa poashtu po punon në studimet e saj në nivelin e doktoraturës në Universitetin e Bolonjës në Itali. Interesimi i saj për hulumtime përfshin fusha si ekonomiks i aplikuar, politika ekonomike, ekonomi të zhvillimit, edhe të menduarit alternativ në ekonomiks. Përveç arsimit të saj, Enisa sjellë edhe përvojë të punës nga Kosova dhe Gjermania. Mes pozitave të saj profesionale të mëhershme ajo ishte edhe Specialiste për Hulumtime të Tregut për kompaninë e telekomunikacionit IPKO në Kosove (2008-2013). Ajo poashtu punoi si asistente për hulumtime për departamentin e Makroekonomise ne universitetin ku bëri studimet master në Berlin (2014-2015). Bashkë me pasionin për ekonomiks, Enisa shprehë interesim të dalluar për letërsi edhe kinematografi. 

Dita Dobranja i është bashkangjitur Institutit “Riinvest” si hulumtuese në Gusht 2016. Ajo përfundoi studimet Bachelor në Ekonomiks ne Universitetin Amerikan në Kosovë në 2011 si studentja më e dalluar e gjeneratës. Më pas ajo përfundoi një vit si studente hulumtuese në ekonomi publike në Universitetin Waseda në Tokio të Japonisë, ku u fokusua në analizë të politikave ekonomike të bazuara në karakteristikat socio-kulturore të vendit. Dita ka përfunduar studimet Master në fushën e Ekonomisë Ndërkombëtare në Universitetin Amerikan në Uashington DC, nga ku diplomoi në maj 2016. Gjatë qëndrimit të saj në SHBA, Dita ka punuar si Asistente e Hulumtimit dhe Asistente në lëndën Ekonomi Ndërkombëtare në Shkollën e Shërbimit Ndërkombëtar pranë Universitetit Amerikan. Përveç arsimit, përvojën e punës në Kosovë Dita e ka kryesisht në shoqëri civile, ndër të tjera edhe si themeluese e hulumtuese në Institutit për Politika Zhvillimore. Ajo ka një numër publikimesh e analizash të politikave ekonomike në Kosovë dhe ndërkombëtarisht. Interesimet dhe fushat e specializimit të Ditës përfshijnë ekonominë ndërkombëtare, specifikisht tregtinë ndërkombëtare, dhe ekonominë gjinore. Përveç ekonomisë, Dita është e dhënë pas futbollit, formulës 1, dhe shkrimit.

Antigona është pjesë e Institutit Riinvest që nga viti 2013, ku aktualisht mbanë rolin e hulumtueses. Ana akademike e Antigonës ndërthurë studime në ambiente ndërkombëtare, fillimisht në International Business College – Mitrovicë dhe West Liberty Univeristy të Virxhinias Perëndimore për studimet bazike, ndersa në Central European University në Budapest për master në fushën e Public Policy. Përveç punës në Riinvest gjatë studimeve Antigona u angazhua në ‘Das Deutsche Forschungsinstitut für öffentliche Verëaltung – Instituti Gjerman i Studimeve për Administratë Publike’ në Speyer si dhe ‘Open Society Foundations – Fondacioni i Shoqërisë së Hapur’ me projekte në fushën e Politikave të Shëndetësisë dhe Energjisë. Përveç këtyre të fundit, Antigona ka një interes të veçantë për fushën e Edukimit, përkatësisht Politikat dhe Inovacioni në Edukim.

Fatos Hoxha është bërë pjese e  Institutit Riinvest si hulumtues në Qershor 2016. Fatosi ka përfunduar studimet Master në Gjermani në Universitetin e Kasselit për ‘Global Political Economy’ me bursë të DAAD-OSI për fuqizimin e demokracisë në Evropën Juglindore. Përgjatë periudhës së studimeve ai ka marrë pjesë në disa konferenca, të mbajtura në Gottingen, Koln dhe Berlin mbi Teoritë Politike, Ligjin Financiar Nderkombetar etj. Gjatë verës 2015, Fatosi ka bërë një praktikë në Vjenë në ‘Vienna Institute for International Economic Studies’ ku ka kontribuar në projekte të ndryshme, në veҫanti në projektin për analizën e investimeve infrastrukturore në Ballkanin Perëndimor si pjesë e Samitit të BE-Ballkani Perëndimor të mbajtur në Vjenë. Para studimeve të masterit Fatosi ka qenë pjesë e Institutit Riinvest në cilësin e praktikantit. Fokusi hulumtues i Fatosit përfshinë qasje ndërdisciplinare duke përfshirë teoritë e ekonomisë politike ndërkombëtare, histori ekonomike dhe shoqërore, studime zhvillimore, dhe studime gjinore.

Ylli Tafarshiku mban pozitën asistent hulumtues dhe zyrtar për komunikim në Institutin “Riinvest”. Ai iu bashkua Institutit “Riinvest” në shtator të vitit 2014, dhe më konkretisht është i përfshirë në projekte që kanë të bëjnë me komunikim dhe avokim. Ylli ka përfunduar studimet në Universitetin Amerikan të Kosovës, dhe mban diplomë bachelor në Arte dhe shkenca, me përqendrim kryesor në Politika publike dhe menaxhment, dhe atë minor në ekonomiks. Ai iu bashkua ekipit të “Riinvest”-it, pas një përvoje të gjatë dhe të pasur në sektorin e medieve dhe atë të marketingut. Në vitin 2006, ai filloi të punojë në kanalin kombëtar televiziv të Kosovës Kohavision, në video grafikë, dhe më vonë si realizator televiziv. Pas një periudhe 5-vjeçare në mediet elektronike (KTV), ai iu bashkua ekipit të Studio Modernas në Kosovë si menaxher i printit, duke u njohur për së afërmi me mundësitë e marketingut të drejtpërdrejtë dhe industrisë së shtypit, përmes kanalit të printit, si formë e veçantë e marketingut të drejtpërdrejtë. 

Vlera Mati ka përfunduar studimet Bachelor ne Menaxhment dhe Ndërrmarrësi në Universitetin Staffordshire në vitin 2014. Aktualisht, ajo është asistent hulumtuese në Institutin Riinvest. Para angazhimit të saj ne Institut, Vlera ka punuar si administratore e programit në departamentin e Universitetit anglez Staffordshire University, ku ka kryer shërbime për studentët e nivelit Bachelor dhe Master, por gjithashtu ka promovuar programet e studimeve duke i prezantuar ato në shkolla të mesme në Kosovë. Vlera është një person i vlerësuar në rrethin e Riinvestit, duke qenë pjesë e saj nga viti 2011.

Faton Selani mban pozitën e drejtorit kreativ në Institutin “Riinvest”. Ai iu bashkua Institutit “Riinvest” në shtator të vitit 2014, dhe më konkretisht është i përfshirë në projekte që kanë të bëjnë me komunikim dhe avokim. Fatoni ka përfunduar studimet në Universitetin Dardania, dhe mban diplomë bachelor në marketing. Por gjithmonë entuziast dhe i përkushtuar pas dizajnit dhe artit. Ai iu bashkua ekipit të “Riinvest”-it, pas një përvojë të gjatë dhe të pasur në dizajn dhe atë kryesisht në media. Në vitin 2000 si 16-vjeçar, ai filloi të punojë në ‘Kosova Sot’ si layout - dizajner më pastaj një kohë në Gazeta Express si drejtor artistik - përkatësisht në vitin 2005 dhe së fundmi në Gazetën Zëri si drejtor kreativ. Pas një periudhe 8-vjeçare në mediat e shkruara, ai i ishte bashkuar ekipit të Trembelave duke pas ndikim të drejtpërdrejtë në ndryshimin e pamjeve të shumë prej mediave të shkruara dhe digjitale në Kosovë, Shqipëri dhe Maqedoni. Në vitin 2012 themeloi një Studio të dizajnit të quajtur “Tedel” ku ende vepron në kohë të lirë si “freelancer” duke pasur përvoja të shumta në branding, information design dhe layout në shumë prej organizatave vendore dhe ndërkombëtare.

Isren Fejzullahu është shef i financave në Institutin “Riinvest”. Isreni është pjesë e “Riinvest”-it që nga viti 2004, kur ka filluar punën në pozitën e kontabilistit. Ai ka përfunduar Fakultetin Ekonomik si dhe studimet MA (Banka, financa dhe kontabilitet) në - Universitetin e Zagrebit në vitin 1994, si dhe studimet e MA (menaxhment) në vitin 2010 në Kolegjin Riinvest. Isreni gjithashtu ka të përfunduar nivelin e parë të certifikimit si teknik i kontabilitetit në vitin 2006 si dhe nivelin e dytë si kontabilist i certifikuar në vitin 2008, pranë Shoqatës së Kontabilistëve të  Certifikuar dhe Auditorëve të Kosovës (SHKACK-SCAAK). Pozitën e shefit të financave Isreni e mban që nga viti 2008. Ai përveç punës në Institutin “Riinvest”, është edhe asistent në lëndët  Kontabiliteti financiar, Kontabiliteti menaxherial si dhe Analiza financiare në Kolegjin Riinvest që nga viti 2007. Ai ka ndjekur disa trajnime, si: Strategjia e financimit publik të OJQ-ve i ndjekur në Kosovë dhe në Budapest-Hungari, i financuar nga USAID-i, dhe trajnime tjera të shumta të cilat sigurisht kanë ndikuar shumë gjatë punës së tij në avancimin e mëtutjeshëm dhe profesionalizimin e tij.

Albana Gashi Zhinipotoku ka kryer Fakultetin Ekonomik në Universitetin e Prishtinës dhe studimet master në Kolegjin RIINVEST. Punon në Institut që nga viti 2001, e angazhuar fillimisht si hulumtuese, duke kontribuar në hulumtime të shumta zhvillimore. Përvoja e saj e gjatë lidhet me angazhimin si menaxhere e projekteve në fushën e zhvillimit ekonomik lokal, e që ka të bëjë me ngritjen e kapaciteteve lokale në hartimin e strategjive për zhvillim ekonomik lokal. Për një periudhë njëvjeçare, më saktë gjatë fazës fillestare (inception phase), Albana ka qenë e angazhuar në kuadër të projektit PPSE, projekt ky i cili implementohet në konzorcium nga Swiss Contact, Instituti “Riinvest” dhe organizata PEM, i cili projekt ka për qëllim promovimin e punësimit në sektorin privat. Që nga nëntori i vitit 2014, Albana i është bashkuar zyrës së financave duke kontribuar në kryerjen e detyrave financiare dhe kontabilitetit të institutit, por edhe të Kolegjit Riinvest.  

Eranda “Riinvest”-it iu bashkua më 2001 në pozitën e asistentes administrative. Më vonë, me suksesin e arritur në punë, përpikërinë  dhe me besimin e fituar, ajo iu bashku Zyrës së financave në pozitën e asistentes financiare, të cilën pozitë e mban tash e 10 vjet. Eranda është përgjegjëse rreth evidentimit dhe raportimit të financave të pjesës më të madhe të projekteve në kuadër të Institutit “Riinvest”.

Është pjesë e “Riinvest”-it prej vitit 2007 në pozitën e recepsionistes. Ajo ka të përfunduar Gjimnazin e përgjithshëm  dhe disa trajnime lidhur me administrim të zyrës në ShBA. Duke qenë pjesë e administratës qe 8 vjet, Merita ka arritur të përmbushë me sukses angazhimin e saj në punë bazuar në etikën profesionale. Merita përveç kujdesit të agjendës ditore të drejtorit ekzekutiv dhe komunikimit direkt me stafin dhe palët, mbulon punët e fotokopjes, skenimit, organizimit të ngjarjeve të ndryshme. Merita ndihmon në përgatitjen e tryezave, në konferenca, seminare dhe work-shope. 

Mensuri pozitën e zyrtarit të logjistikës e mban prej vitit 1995. Ai ka të përfunduar Shkollën e Mesme Ekonomike. Mensuri ka punuar në Gjermani për 5 vjet në sektorin e ndërtimtarisë. Mensuri në Institutin “Riinvest” realizon furnizimet e zyrës me materialet e nevojshme, si dhe bazuar në nevojat e projekteve, përkujdeset për furnizimin dhe mirëmbajtjen e inventarit brenda institucionit, dërgesat postare, etj. Mensuri, po ashtu, përkujdeset për arkivin e institucionit.