Albani ka filluar punën në Institutin “Riinvest” në vitin 2006, pasi ka punuar një kohë në sistemin bankar. Aktualisht ai mban pozitën e Drejtorit Ekzekutiv në Institutin “Riinvest”. Pas përfundimit të studimeve universitare në Universitetin e Prishtinës, Albani ka vijuar studimet e magjistraturës dhe doktoratës në Universitetin Staffordshire në Britani të Madhe, respektivisht në fushën e korrupsionit dhe transformimit të pronës. Në kuadër të Institutit “Riinvest”, Albani ka qenë i përfshirë në shumë projekte kërkimore të ndërlidhura me çështje socio-ekonomike të vendit, përfshirë, mes tjerash, çështjen e privatizimit, qeverisjes korporative, korrupsionit, energjisë e mjedisit afarist. Gjithashtu, Albani rregullisht publikon në revista shkencore dhe merr pjesë në konferenca ndërkombëtare në lidhje me temat e demokracisë industriale dhe transformimit të pronës. Ai është edhe ligjërues në Kolegjin Riinvest ku mbulon disa lëndë të lidhura me ekonomiksin.

Aktualisht është kryetar i Bordit Drejtues i Institutit “Riinvest”, Sejdi Osmani është njëri prej themeluesve të Institutit. Ka qenë i angazhuar në pozita drejtuese dhe menaxher i shumë projekteve të Institutit: Drejtor ekzekutiv i Institutit “Riinvest” (2004-2009); Drejtor administrativ i Institutit “Riinvest” (2001-2004); menaxher i disa projekteve në fushën e zhvillimit ekonomik lokal; koordinator projektesh, pjesëtar i ekipeve i shumë projekteve hulumtuese. Është autor i rreth 20 artikujve lidhur me politikën fiskale dhe sistemin e taksave, autor i një sërë punimeve në fushën e administratës publike, privatizimit, qeverisjes korporative, administratës lokale dhe shërbimeve publike. Ka një përvojë të gjatë në fushën e publikimeve: Kryeredaktor i revistës javore për të rinj “Zëri i Rinisë” (1978-1982); redaktor i më se 30 botimeve dhe autor dhe bashkautor i afro 30 raporteve hulumtuese të Institutit “Riinvest”. Ka marrë pjesë në një sërë konferencash vendore dhe ndërkombëtare. 

Profesor Mustafa është bashkëthemelues i Institutit Riinvest (1995), ndërsa ishte edhe president deri në vitin 2010. Për dy mandate (2010-2017) ishte deputet në Kuvendin e Kosovës (jo-partiak) dhe kryesoi Komisionin për Zhvillim Ekonomik, Tregtisë dhe Industrisë. Aktualisht është anëtar i lartë në Institutin Riinvest. Me përvojë në udhëheqjen dhe menaxhimin e projekteve brenda angazhimeve në Institutin Riinvest (më shumë se 40 raporte të publikuara). Ai botoi 10 tekste dhe monografi universitare. Ai po ligjëron Menaxhimin e Zhvillimit, Strategjitë dhe Politikat e Zhvillimit Ekonomik dhe ka qenë i përfshirë në hartimin dhe menaxhimin e politikave publike.

Fokusi i hulumtimeve: Menaxhimi i Zhvillimit, Politikat Publike, Mjedisi i Biznesit; Strategjia Pas Rindërtimit dhe Ristrukturimit të Konfliktit.

Saxhide Mustafa mban pozitën bashkëpunëtore e lartë. Saxhidja është pjesë e  Institutit Riinvest që nga viti 2003, kur ka filluar punën në pozitën asistente administrative. Ajo ka të përfunduar Fakultetin Juridik - Universiteti i Prishtinës (2004),  studimet MA i ka përfunduar në Kolegjin Riinvest me temën “Qeverisja Korporative dhe Transparenca në Ndërmarrjet Publike në Nivelin Lokal- rast studimor Termokos Sh.A” (2011). Në vitin 2019, ka përfunduar me sukses studimet e doktoratës në Universitetin Publik të Tiranës- Fakultetin Ekonomik, me temën “Qeverisja e Korporatave  dhe Performanca e kompanive në Kosovë“. Nga viti 2011 ajo është  ligjëruese në Kolegjin Riinvest SH.A. në lëndët: E drejta biznesore, Etika biznesore në nivelin BA dhe Menaxhment në nivelin MA.  Ajo ka ndjekur disa trajnime në fushën e Qeverisjes të korporatave, Menaxhimi i Riskut, Llogaridhënia, Transparenca (IFC/SDC), Women in lidership- program i ndjekur në Kosovë dhe në Uashington, i financuar nga USAID-i, Menaxhimi i inovacioneve - Fakulteti Ekonomik Lubjanë, në fushën e ndërrmarrësisë dhe në fushën e edukimit të lartë në kuadër të projekteve TEMPUS, CONSUS dhe ERASMUS. Ajo po ashtu ka një përvojë mbi 10 vjeçare në projekte hulumtuese në fushën e qeverisjes të korporatave, zhvillimit ekonomik lokal, fuqizimit ekonomik të grave etj.

Visari i është bashkuar Institutit në korrik të vitit 2014 në cilësinë e hulumtuesit të avancuar. Visari ka mbaruar studimet themelore në Universitetin e Prishtinës në fushën e menaxhmentit. Për më tepër, ai ka mbaruar studimet master në Universitetin e Nottingham-it në Mbretërinë e Bashkuar në fushën e zhvillimit ekonomik dhe analizë të politikave ekonomike me fokus të veçantë në Politikat tregtare. Në vitin 2019, Visari ka përfunduar studimet e doktoraturës në ekonomiks në Universitetin Politeknik të Marche-s në Ankona të Italisë, me fokus në tregtinë ndërkombëtare. Visari, gjithashtu, është i angazhuar edhe në cilësinë e ligjëruesit të lëndëve Sistemi ekonomik ndërkombëtar dhe Ekonomia evropiane në Kolegjin Riinvest. Para se t’i bashkohej Institutit “Riinvest”, Visari ka punuar në institucione të ndryshme qoftë në sektorin privat apo publik në Kosovë përfshirë sektorin bankar, procesin e privatizimit në Kosovë, projekte të UNDP-së, EBRD-së dhe Bankës Botërore, dhe po ashtu në Qeverinë e Kosovës. Gjithashtu, Visari ka qenë i angazhuar në aktivitete të ndryshme hulumtuese dhe avokuese lidhur me qeverisjen e hapur, potencialin eksportues të Kosovës, zhvillimin e tregut në industrinë e përpunimit të ushqimit dhe shumë projekte të tjera lidhur me zhvillimin e sektorit privat.

Pëllumbi është pjesë e Institutit Riinvest nga viti 2019, pas një përvoje të gjatë në sektorin bankar të Kosovës, dhe atë ndërkombëtar të hulumtimeve. Aktualisht ai mban pozitën e Bashkëpunëtorit të Lartë për Hulumtime. Studimet themelore universitare i ka përfunduar në Universitetin e Prishtinës në dy drejtime, për Ekonomi, dhe Shkencë Politike, studimet master në drejtimin Financë dhe Banka, ndërsa studimet doktorale në Ekonomi dhe Financë në Universitetin “La Sapienza” në Romë, Itali, me fokus në ekonomiksin e investimeve direkte nga jashtë (FDI). Në kuadër të Institutit “Riinvest”, Pëllumbi ka qenë i përfshirë në projekte kërkimore të ndërlidhura me çështjet socio-ekonomike të vendit dhe rajonit, mes tjerash në çështjet e rritjes dhe zhvillimit ekonomik, bashkëpunimit rajonal, politikave monetare dhe fiskale, etj. Pëllumbi është i angazhuar edhe në cilësinë e ligjëruesit në Kolegjin Riinvest në lëndët Ekonomia Politike Ndërkombëtare, Menaxhimi i Zhvillimit, dhe Ekonomiksi i Qëndrueshëm. Interesi i tij kërkimor shtrihet në fushën e investimeve direkte nga jashtë, tregtisë ndërkombëtare, zhvillimit ekonomik, bashkëpunimit dhe integrimit rajonal në Ballkanin Perëndimor, dhe politikave sociale. Pëllumbi publikon aktivisht në lidhje me fushat e tij kërkimore në revista shkencore ndërkombëtare, dhe merr pjesë aktivisht në konferenca ndërkombëtare.

Gent Beqiri është i angazhuar në Institutin “Riinvest” që nga gushti i vitit 2008 dhe që atëherë është përfshirë në studime dhe analiza ekonomike, studime të tregut, biznes plane dhe studime të fizibilitetit të bizneseve si dhe zhvillimin e NVM-ve dhe zhvillimin ekonomik lokal. Fokusimi i Gentit është në menaxhimin dhe implementimin e anketave të ndryshme, kryesisht në ato të NVM-ve. Ai është i fokusuar në përgatitjen e mostrave për realizimin e anketave, dizajnimin e pyetësorëve, trajnimin e anketuesve, monitorimin e procesit anketues si dhe përpunimin e të dhënave, nxjerrjen e analizave të avancuara statistikore dhe interpretimin e të dhënave. Së fundmi, angazhimi i plotë i tij koncentrohet në krijimin e një platforme të qasshme nga publiku i gjerë, platformë e cila përmban dhe bashkon të gjitha të dhënat statistikore të Institutit “Riinvest” që nga themelimi i tij. Në Kolegjin Riinvest, Genti është i angazhuar si ligjërues në lëndët Menaxhment dhe statistikë që nga viti 2009. Ai ka mbaruar studimet bachelor dhe master në Fakultetin Ekonomik, drejtimi Menaxhment dhe informatikë në Universitetin e Prishtinës.

Halim Mahmuti mban pozicionin e Hulumtuesit në Institutin për Hulumtime Zhvillimore - Riinvest. Ai është përgjegjës për identifikimin, përgatitjen e projekt propozimeve dhe aktivitetet e projektit. Ai është i përfshirë në shumë projekte kërkimore në lidhje me Tregun e Punës, Indeksin e Konkurreshmërisë së Komunave dhe Zhvillimin Lokal. Gjithashtu, Halimi është i angazhuar si asistent mësimdhënës për lëndët e Ekonomiksit të Zhvillimit dhe Ekonomisë së Integrimit Evropian në Kolegjin Riinvest. Ai gjithashtu ka një diplomë master dhe bachelor në Ekonomi dhe Menaxhim nga Kolegji Riinvest në Kosovë. Gjuha e tij amtare është shqipja, duke folur rrjedhshëm edhe në anglisht.

Tringë Shkodra ka përfunduar studimet baçellor, në drejtimin Analiza Ekonomike për Biznes në Kolegjin Riinvest në vitin 2019. Në shtator të po këtij viti është angazhuar në Institutin Riinvest si asistente hulumtuese. Përgjatë kësaj periudhe kohore, Tringa është përfshirë në projekte të ndryshme të lidhura me fushën e hulumtimit të tregut me fokus të veçantë në atë të prokurimit publik. Tringa gjithashtu ndihmon në projekte të ndryshme kërkimore, organizimin e konferencave, debateve dhe work-shopeve.

Alma ka filluar punën në Institutin “Riinvest” në vitin 2022. Aktualisht ajo mban pozitën e hulumtueses. Pas përfundimit të studimeve universitare në Universitetin e Prishtinës në programin Applied Economics and Management dhe në Hamk University në Finlandë, ajo tani ndjek studimet master në drejtimin Ekonomiks. Para se t’i bashkohej Institutit Riinvest, Alma ka punuar në zyrën për kërkime dhe projekte të sponzorizuara në Universitetin e Prishtinës dhe gjithashtu është angazhuar në disa projekte dhe trajnime.

Ndër të tjerash, ajo ndihmon në projekte të ndryshme kërkimore, organizimin e konferencave, debateve dhe punëtorive, ndihmon hulumtuesit në përgatitjen dhe implementimin e instrumenteve kërkimore, përgatitë artikuj të tjerë përfshirë raporte dhe prezantime dhe merr pjesë në takime duke mbajtur kontakte edhe me palë të tjera.

Alma beson që gjetjet e saj të kërkimit mund të kenë një ndikim pozitiv në një sërë aspektesh shoqërore, nga zgjidhja e sfidave sociale, kulturore dhe shëndetësore deri te nxitja e përparimeve shkencore dhe teknologjike që mund të kenë implikime globale.

Beneti ka përfunduar studimet Bachelor në drejtimin Menaxhment dhe Informatike ne Universitein e Prishtinës. Po në të njejtën fushë është duke vazhduar edhe studimet master, ndërsa ka përvojë profesionale si në sektorin privat ashtu edhe në atë të shoqërisë civile. Aktualisht në Institutin Riinvest është i angazhuar si Hulumtues, ku fokusi i tij është në nxjerrjen, analizën, modelimin, dhe interpretimin e të dhënave nga hulumtimet e ndryshme sasiore dhe cilësore. Gjithashtu, Beneti është i përfshirë edhe në aktivitete të tjera që lidhen me projektet e Institutit.

Erisa Kallaba ka përfunduar studimet Bachelor në Universitetin e Prishtinës, në Departamentin “Applied Economics and Management”. Erisa iu bashkangjit “Institutit Riinvest” në vitin 2022 në pozitën e Asistentës Hulumtuese. Më herët ka punuar si Analiste e Auditimit në Deloitte, dhe Praktikante Hulumtuese në Institutin GAP. Erisa poashtu ka qenë Hulumtuese Lokale në një projekt të organizuar nga Bonn International Centre for Conflict Studies me temë “Reintegration Trajectories in context of high mobility: An exchange between research and practice”.

Erisa merret me organizimin e Green School e cila ka për qëllim trajtimin e çështjeve mjedisore në kuadër të projektit Green Action Space. Poashtu, ajo merret me organizimin e takimeve, konferencave si dhe ndihmon hulumtuesit në përgatitjen e raporteve për publikim.

Isren Fejzullahu është shef i financave në Institutin “Riinvest”. Isreni është pjesë e “Riinvest”-it që nga viti 2004, kur ka filluar punën në pozitën e kontabilistit. Ai ka përfunduar Fakultetin Ekonomik si dhe studimet MA (Banka, financa dhe kontabilitet) në - Universitetin e Zagrebit në vitin 1994, si dhe studimet e MA (menaxhment) në vitin 2010 në Kolegjin Riinvest. Isreni gjithashtu ka të përfunduar nivelin e parë të certifikimit si teknik i kontabilitetit në vitin 2006 si dhe nivelin e dytë si kontabilist i certifikuar në vitin 2008, pranë Shoqatës së Kontabilistëve të  Certifikuar dhe Auditorëve të Kosovës (SHKACK-SCAAK). Pozitën e shefit të financave Isreni e mban që nga viti 2008. Ai përveç punës në Institutin “Riinvest”, është edhe asistent në lëndët  Kontabiliteti financiar, Kontabiliteti menaxherial si dhe Analiza financiare në Kolegjin Riinvest që nga viti 2007. Ai ka ndjekur disa trajnime, si: Strategjia e financimit publik të OJQ-ve i ndjekur në Kosovë dhe në Budapest-Hungari, i financuar nga USAID-i, dhe trajnime tjera të shumta të cilat sigurisht kanë ndikuar shumë gjatë punës së tij në avancimin e mëtutjeshëm dhe profesionalizimin e tij.

Eranda “Riinvest”-it iu bashkua më 2001 në pozitën e asistentes administrative. Më vonë, me suksesin e arritur në punë, përpikërinë  dhe me besimin e fituar, ajo iu bashku Zyrës së financave në pozitën e asistentes financiare, të cilën pozitë e mban tash e 10 vjet. Eranda është përgjegjëse rreth evidentimit dhe raportimit të financave të pjesës më të madhe të projekteve në kuadër të Institutit “Riinvest”.

Mensuri pozitën e zyrtarit të logjistikës e mban prej vitit 1995. Ai ka të përfunduar Shkollën e Mesme Ekonomike. Mensuri ka punuar në Gjermani për 5 vjet në sektorin e ndërtimtarisë. Mensuri në Institutin “Riinvest” realizon furnizimet e zyrës me materialet e nevojshme, si dhe bazuar në nevojat e projekteve, përkujdeset për furnizimin dhe mirëmbajtjen e inventarit brenda institucionit, dërgesat postare, etj. Mensuri, po ashtu, përkujdeset për arkivin e institucionit.

Është pjesë e “Riinvest”-it prej vitit 2007 në pozitën e recepsionistes. Ajo ka të përfunduar Gjimnazin e përgjithshëm  dhe disa trajnime lidhur me administrim të zyrës në ShBA. Duke qenë pjesë e administratës qe 8 vjet, Merita ka arritur të përmbushë me sukses angazhimin e saj në punë bazuar në etikën profesionale. Merita përveç kujdesit të agjendës ditore të drejtorit ekzekutiv dhe komunikimit direkt me stafin dhe palët, mbulon punët e fotokopjes, skenimit, organizimit të ngjarjeve të ndryshme. Merita ndihmon në përgatitjen e tryezave, në konferenca, seminare dhe work-shope.